KABANATA 21:
BAHAGYANG UMAWANG ANG LABI ko sa sinabi niya. Hindi ako makapaniwala na sasabihin niya 'yon sa akin. Para bang sa ilang salitang 'yon, nag-ibang tao si Denzel. Nangining ang labi ko at kaagad na tumalikod para lumabas ng kwarto niya. Nanginginig ang buo kong katawan dahil sa inis. Hindi ko alam pero may kaunting hiya akong naramdaman. Sino ba naman ang hindi mapapahiya kapag sinabihan ka nang ganoon? Sabagay, sino nga ba ako para basta-basta na lang pumasok sa bahay niya? Girlfriend niya lang ako at hindi pa asawa, kaya wala akong karapatang pumasok sa bahay niya nang walang pahintulot.
Ilang beses akong nagpagulong-gulong sa higaan nang makarating ako sa apartment ko, pero hindi ko mahanap ang antok ko. Nakakainis na sa kabila ng sinabi niya sa akin, hinihintay ko pa rin na
