Tinalikuran ko ang pinto ng kanyang opisina. 'Yung tuwa at excitement ko kanina ay parang biglang humupa. Nilampasan ko ang kanyang sekretarya at tuluytuloy lang ang lakad ko paalis doon. Sa kabila ng nakita kong pagtataka nito sa gilid ng aking mga mata.
"Bumalik na tayo sa bahay." sabi ko sa driver nang nasa loob na ako ng sasakyan.
Sa rearview mirror ay nakita ko pa ang pagkunot ng noo nito siguro ay dahil ang bilis ko naman yatang nakabalik. Umandar ang makina ng sasakyan at nag-drive na ito pabalik sa bahay.
Nang makarating ay dinala ko lang muli sa kusina ang packed lunch. Aware ako na hindi na maipinta ang mukha ko kanina palang noong bumaba at palabas ako ng firm. Pero wala na akong pakialam. Naiinis lang ako kay Troy. Hindi, nakakagalit siya.
At dahil ilang oras pa bago dum
