Tumayo si Tristan nang matanaw akong papasok ng coffee shop. Pumayag akong makipagkita sa kanya at pinili itong lugar dahil malapit lang sa condo tower ni Troy. Nakasuot ako ng isang simpleng dress na pinatungan ng cardigan. At usual lang naman na nakalugay ang lalo na ngayong mahabang buhok.
Pinaghila niya ako ng silya at naupo na ako doon. Bumalik narin siya sa kanyang inuupuan. Nagtawag siya ng waiter. Maagap naman itong lumapit at kinuha ang order namin.
"It's big..." aniya nang makaalis ang tagapagsilbi.
Nagkatinginan kami at alam kong tinutukoy niya ang aking tiyan. Hindi pa ito ganoon kalaki ngunit halata narin ang umbok nito. Mapait akong ngumiti at napatingin sa maingay na kalsada sa labas ng glass wall ng cafe.
"Oo..." binalik ko ang tingin sa kanya. "Ganito narin siguro k
