"BUNTIS KA TALAGA?" hindi pa rin makapaniwalang tanong ni Gladyz kay Madison.
Natawa na lang siya. Nang pumasok sila rito sa mall, wala na itong ibang ginawa kundi ang tanungin siya noon. Maiigi't hindi na lang pala niya sinabi para hindi siya nito tanungin nang tanungin.
Tumigil siya sa paglalakad saka hinarap ang kaibigan. Nagpakawala siya ng hangin sa bibig saka nagsalita. "Oo nga, buntis ako, okay? Ilang beses ko bang sasabihin iyon sa iyo para tumatak diyan sa utak mo? Hay naku, Gladyz! Hindi maka-move on?" natatawa niyang bulalas saka nagpatuloy sa paglalakad.
"You're right. Hindi lang ako makapaniwala. Sino ba naman kasi ang makakapaniwala? Buntis ko ulit 'pagkatapos ng maraming taon. Pero ayos iyan, mas lalo kang mamahalin ni Grayson. Dalawa na ang anak niyo, dapat pakasalan ka
