LAST CHAPTER:
"TALAGA PO?" HINDI mapigilan ni Madison ang magulat nang sabihin ng pulis ang isang magandang balita sa kanila.
Nahuli na ang dalawang lalaking nagtangka sa buhay ng mama niya. Nakakulong na ang mga ito ngayon. Iyon lang ang gusto nila, ang managot ang gumawa noon sa mama niya. Mabuti na nga lang at hindi pinatay ang mama niya dahil kung oo, madadagdagan ang kaso ng mga ito. Puwede pang magpyansa ang mga ito para makalabas. At sa tingin niya'y hindi kaya ng mga ito ang magbayad dahil malaking halaga ng pera ang kailangan para mawala ang kaso ng mga ito. Kung ano man ang nangyari sa kanila ngayon, they deserved it!
"Oo, nahuli na sila kaninang umaga sa tulong ng isang babae. Hindi siya nagpakilala sa amin, basta't nakatanggap na lang kami ng sulat. Nakalakip doon kung saan
