Chapter 122
Jeisen Jee POV
Kanina pa hindi maalis ang masamang tingin sa akin ni Ocay.
Tinawatawag pala nila itong bosing dahil ito raw ang kinatatakutan dito sa piitan. Lahat ng bagong salta ay dumadaan sa kanya. Murder din ang kaso nito at marami na raw itong napatay sa labas. Hindi na mabilang.
Napangisi ako at bumalik sa pagkain.
Paramihan pa kami ng kaso kung gusto niya. At hindi ko alam na uso rin pala ang bullying dito. Akala ko sa mga palabas sa TV ko lang ito nakikita. Totoo pala. Ganito pala talaga sa loob ng kulungan.
"Ang tindi mo talaga kosa. Ang nipis ng katawan mo pero ang lakas mong kumain," natatawang salita ni Julie sa akin at inilagay ang kaperasong talong sa tray ko. "Huy, hindi ko 'yan ginalaw ha. Itong sabaw at kanin lang muna sa akin. Allergy talaga ako s
