EMILY/SCARLETT
NANG makarating kami sa kubo, agad akong nagbihis dahil hindi na ako komportable sa suot ko. Binigyan ako ni Nanay Helen ng panibagong bestida at wala akong ibang nagawa kundi suutin iyon. Hindi ako sanay sa ganitong kasuotan pero wala naman akong magawa dahil iyon lang ang available rito.
Umupo ako sa papag habang sinusuklayan ko ang buhok ko gamit ang aking mga daliri. Mayamaya pa ay pumasok si Ryan sa kubo na may dalang mga kasuotan. Lumapit ito sa akin at ipinatong ang mga hawak sa tabi ko.
"Ayos ka lang ba?" may pag-aalala nitong tanong sa akin.
I immediately nodded. "Oo naman, bakit mo natanong?" naiiling kong tanong dito.
"Wala lang. Kapag hindi ka maayos, sabihin mo lang. Kapag nabuburyo ka, sabihin mo lang din at ipapasyal kita," nakangiting wika ni Ryan bago
