“ANO NA PO, Mister Montejero?” animo naiinip na untag ni Tanya kay Karzon nang mahiga sa tabi niya ang kaniyang asawa.
“Ano ‘yon?” kunway tanong naman sa kaniya ni Karzon kaya nakatikim ito ng paniningkit ng mga mata ni Tanya.
“Gusto mo ba na ipaglihi ko sa sama ng loob ang mga anak natin?” walang kangiti-ngiti niyang tanong dito. “Sabihin mo lang, madali naman akong kausap.”
Nangingiting tumagilid ng higa paharap sa kaniya si Karzon. “Sweetie, bukas na lang kaya? Baka mapuyat ka.”
Walang salita na umakma si Tanya na tatalikuran ng higa si Karzon nang natatawang pigilan siya nito.
“Magkukuwento na,” wika pa nito para lamang hindi niya ito talikuran. “Ngiti na.”
Nakasimangot pa rin siya. “Ngingiti lang ako kapag totoong nagkuwento ka na. Bakit at sa anong dahilan ka napapayag ng daddy
