NAPAHINTO sa akmang pagpasok si Sephany sa loob ng opisina ng kaniyang asawang si Thaddeus nang makita ang isang babaeng kay ganda ng tindigan na nasa loob niyon. Mukhang may pini-present kay Thaddeus sa dala nitong folder na ngayon ay hawak ng kaniyang asawa.
Pinigilan niyang maningkit ang kaniyang mga mata dahil para bang feel na feel ng babaeng iyon ang paglapit masyado sa tabi ng kaniyang asawa.
Mukhang hindi siya napansin ng mga ito. Si Thaddeus kasi ay focus ang atensiyon sa folder na hawak nito. Habang ang babae naman na ngayon lang niya nakita ay para bang tuwang-tuwa masyado sa pagkakalapit nito kay Thaddeus.
Pumasok na siya nang tuluyan sa loob ng opisina ng kaniyang asawa. Lumabas lang siya para bumili ng buko juice sa Mall. Tapos ganitong eksena ang makikita niya? Ang sakit
