Kunwari ay hindi ko narinig ang pagtawag niya sa akin at dumiretso ako sa banyo. Muli niya akong tinawag pero hindi talaga ako lumingon. Shuta siya! May darling na pala tapos kung umasta ay parang walang nagmamahal at kulang sa aruga. At ako pa talaga ang napili niyang lokohin!
Hindi biro ang pinagdaan ko upang makamit ang aking mga minimithi sa buhay. Nagsikap ako ng husto at hindi tumigil sa pag-abot ng aking mga pangarap. At sa loob ng maraming taon ay pinanindigan ko ang pagiging strong and independent woman ko kaya pati sa mga naging nobyo ay hindi ako nagpapalibre kahit isang kusing.
Bawat labas namin ay ako ang nagbayad dahil sa ganoong set-up ako komportable. Pakiramdam ko kasi ay kontrolado ko ang sitwasyon. Siguro nga ay nasanay na ako sa pagiging mapagbigay ko sa mga kapatid
