Nang kinumpirma ni Gwen na alam na pala ni Jacob ang tungkol sa second family ng kanyang ama ay kaagad akong nabahala para sa lalaki. Kaya ba ito nagmadali kanina at halos hindi na niya ako pinansin?
“May problema ba, Nat?” Nagtanong si Gwen dahil bigla na lang kasi akong tumigil sa paglalakad, kaya napatigil rin ang ilang customers sa likuran namin.
“Wala naman, Gwen. Kumusta na nga pala iyong kapatid ni Boss? Okay ba magtrabaho? Hindi ko pa rin makalimutan ang kakulitan ng taong iyon,” sabi ko at kunwari ay wala akong update kay Jacob.
“Maayos naman yata pero balita ko ay nag-awol ang lalaki. Pinakiusapan daw kasi ito ng Boss natin dahil busy pa nga, kaya ayun at pumasok lang siya ng isang araw at pagkatapos ay hindi na nagpakita. Unang araw niya sa work noong dumating ang mistress
