***LEREN's POV***
"So, anong plano mo?" pambabasag ni Xalene sa katahimikan naming apat.
Nasa cafe na kami kung saan ko sinabi na magkikita-kita kami. At naikuwento ko na sa kanila ang tungkol sa nangyari sa villa. Ilang minuto akong dumaldal tungkol do'n at himalang nakinig lamang sila.
Napatingin ako kay Kent. Saka lamang ako sumagot nang makita ko ang go signal niya sa pamamagitan ng pagtango. "Pansamantala ay doon muna ako kay Kent titira upang hindi ako malapitan ni Zrion. Ayoko muna kasi siyang makausap o makita man lang."
"Saan naman 'yon? Saan ka ba nakatira pala, Kent?" tanong naman ni Corinne.
Dumako ang tingin namin kay Kent pero ngumiti lamang siya.
"Sorry, pimps, nerds, pero sekreto kung saan kami titira. Alam niyo na, masyado kayong magulo na dalawa. Bawal doon ang
