***LEREN's POV***
"Babs!" Patakbo akong nilapitan nina Xalene at Corinne nang makita nila ako.
Napahagulhol naman ako na sinalubong sila ng yakap.
Habang nagkakape kami kanina ni Al ay hiniram ko ang cellphone niya. Tinawagan ko sina Xalene at Corinne kaya nalaman nila na nandito ako sa Malvaro Hospital at wala na sa poder ng mga dumukot sa akin.
Kinailangan nga lang na umalis si Al dahil hindi puwede na makita siya.
"Diyos ko, babs, buti ligtas ka. Iyang si Xalene halos hindi makausap nang puntahan ko kanina sa mall," imporma sa akin ni Corinne.
Nang tingnan ko si Xalene ay umiiyak na rin siya. "Gaga ka! Bakit mo ako itinulak kanina?"
"Syempre para hindi ka madamay. Ako lang naman ang sadya ng mga 'yon," sumisinghot na pagdadahilan ko.
"Ayaw mo akong madamay pero mamamatay din
