***LEREN’s POV***
Nagising ako gawa ng mga boses na naririnig ko sa paligid ko. Sobrang bigat ng talukap ng mga mata ko habang pilit kong inaaninag ang mga tao.
Pigura ni Zrion ang agad na nabungaran ko nang luminaw ang paningin ko. Kausap niya si Mommy Vicky at ng isang babaeng doktor.
“The worst is over. Kailangan lang magpahinga pa ni Miss Leren. Ang kailangan lang gawin sa ngayon ay hayaan siyang magpahinga hanggang sa kusa siyang magising. Wala nang dapat pang ipag-alala,” sabi ng doktora na ang OB ko pala.
Pumikit ako ulit kaya nang balingan ako ng tingin ni Zrion ay akala niya’y tulog pa rin ako. Ano bang nagyari? Bakit ako nandito sa ospital?
Mabilis namang ipinaalala sa akin ng isipan ko ang nangyari.
Naalala ko na inaayos na namin ni Zrion ang isang kuwarto ng villa para
