__________________
"Minah kaya mo bang tumayo? Masakit pa ba yang tigiliran mo?"
"Nay hindi na po masyado, ang sabi ni doc pwede na daw ako kumilos at maglakad lakad," sagot ko habang umaayos ng upo sa kama.
"Teka Minah tutulungan na kitang umupo," saad ni Jane at inilalayan ang likod at braso ko sa pag upo.
Napatitig ako sa mukha ni Jane habang inaalalayan niya ako. Ngayon ko lang napansin na may pagkamestisa ang itsura niya dagdag pa na maputi siya.
"O ayan, komportable ka na ba?" tanong niya pagkatapos akong alalayan. Napaupo siya sa tabi ko at inayos naman ang kumot ko.
"Oo Jane salamat, nasan pala si Levi at Lottie?"
"Nandoon sila sa mansyon, hindi kasi pwedeng pumunta rito ng magkakasama nakakahiya sa amo natin, alam mo na madami kasi kaming nililinis," sagot niya at sumulyap
