Chapter Thirty Three
Baste
NAHIRAPAN akong kunin ang tulog ko dahil sa panginginig ni Ruby. Sobrang init niya lang habang yakap yakap ko siya magdamag.
Kaya’t mga bandang ala una ng madaling araw ay bumangon ako at kumuha ng plangganang may lamang malamig na tubig galing sa ref. Kumuha rin ako ng bimpo. Pupunasan ko siya ng malamig para bumaba ang lagnat niya. Ganito ang ipinampupunas sa akin ni erpat noong bata ako sa tuwing nilalagnat ako.
Tinanggal ko ang kumot niya at dumaing siya na maginaw nang tanggalin ko iyon.
Sinunod kong tinanggal ang silk shorts niya at pang-itaas na damit. Mas lalo naman siyang nagreklamo sa ginaw.
“Ba-Baste, ang g-ginaw,” nanginginig niyang wika.
“Pupunasan kita para bumaba na yang lagnat mo,” sabi ko naman saka sinawsaw ang bimpo sa malamig na
