MON TRÉSOR
TONYROSE JAYME
"SO, ate, kayo na po ba ni Kuya Craig?" kinikilig na tanong ni Tiana habang malisyosang nakatingin sa kanya. Malayo sa kanila si Craig dahil ito ang nagpresintang umorder ng kanilang pagkain kasama ang kapatid niyang si Theo. Nakatayo ito sa tapat ng isang stall nang napili niyang pagkain habang nakatanaw pa rin sa kanila. Bumaling siya sa kapatid upang sagutin ang tanong nito.
"Tiana, wala pa kaming relasyon ni Craig. Nanliligaw pa lang siya ulit at isa pa, ang bata bata mo pa para magtanong at kiligin sa mga bagay na gaya nito," depensa at pangaral niya sa kapatid na mukhang hindi naman nito pinansin dahil umirap pa ito sa hangin.
"Ate, I'm already eighteen. Nasa tamang edad na po ako at naiintindihan ko na po ang mga bagay na ganyan. I am more than what
