Chapter 48
Nakaupo kami sa couch ni Khazer at masasabi kong ito ang unang beses na payapa kaming dalawa. Hindi kami nagtatalo habang nanunuod kami ng palabas sa telebisyon sa aking sala. Sa kabila ng katahimikang namayani sa aming dalawa ay wala akong maintindihan sa aming pinapanood. Sa kaniya lang nakasentro ang aking atensyon at ganoon din siya sa akin.
Kung tingnan namin ang isa't-isa ay parang hindi na darating ang bukas. Kitang-kita ko ang pagmamahal niya sa akin kapag tinitingnan ko ang mapupungay niyang mga mata. Halos lumukso naman ang puso ko palabas ng dibdib ko kapag nakikita ko iyon. Mas nahuhulog lamang ako sa kaniya lalo at hindi talaga ako makapaniwala ng aminin niya sa akin na mayroon din siyang pagtingin para sa akin.
Ngayon ay nakasandal ako sa kaniyang matigas na di
