Chapter 81
Eksaktong ala-syete ng gabi ay nasa labas na kami ng mansyon nina Khazer. Ang lakas ng kabog ng dibdib ko habang dahan-dahan kaming dalawa sa pagpasok sa loob. Hinawakan niya ako sa kamay nang bigla akong tumigil sa paglalakad. Pinapawisan ako ng malamig at hindi ko maiwasang itago ang nararamdaman kong kaba. Pinisil niya ang mga kamay ko at pinaharap niya ako sa kniya. Tinitigan niya ako nang maigi at ngumiti siya nang napakatamis sa akin. Pakiramdam ko ay mas lalo lang akong kinabahan sa tuwing tinutukso niya ako ngayon sa ngiti niya.
"P'wede ba? Huwag mo akong tingnan ng ganiyan. Kita mo ngang kinakabahan na ako," pilit kong ginawang nakasimangot ang aking mukha kahit nangingiti ako dahil sa kaniyang paninitig. Hindi ko mapigilang hindi mamula dahil sa sobrang kilig.
"Ang
