Kabanata XXIX
CELESTE
LABIS ang kaba sa aming dibdib na tumayo. Nagsuot na si Simoun ng kanyang damit at naunang lumabas sa kwarto. Sumunod naman ako kaagad sa kanya.
“Sino po ang naghahanap kay Simoun, nay?” tanong ko sa matandang pababa pa lang ng hagdan.
“Kababata niya hija,” sagot nito.
Nagaanan naman ako ng loob nang malaman ko ang bagay na iyon.
Bumaba na ako at hinanap si Simoun. Ngunit laking gulat ko nang yakap ng kung sino ang aking minamahal. Sa kamay pa lang nito ay alam kong babae ang nagmamay-ari niyon kaya may namuong kung ano sa aking dibdib.
Kung kababata niya, ay bakit kailangan siyang yakapin ng ganito na lang kahigpit. Sino ba iyon?
Nainis ako kaya naman naglakad ako papuntang kusina upang uminom ng tubig. Nandoon naman ang matanda na nagluluto yata ng kape.
“M
