"CHIKS, pre, maniwala ka sa akin. Noong makita ko siya naniniwala na akong totoo ang anghel."
Sa loob ng bulwagan kung saan nagpapahinga ang mga tauhan ng pribadong resort, nagkakaroon ng mainit na pag-uusap ang tatlong lalaki. Ikinukwento kasi no'ng isa ang magandang dilag na nakita niya kanina habang iniaalok niya ang buko juice.
"Weh? Ang tanong, single ba?" tanong no'ng isa. "Iyon lang, ang sabi sa akin may asawa na raw tapos buntis. Eh, hindi ko sure kung totoo kasi hindi naman malaki iyong tyan niya. Pero may kasama silang dalawang lalaki kaya baka iyong isa, boyfriend niya."
"Aba'y may boyfriend na pala."
"Ano naman? Malay mo magkakaibigan lang sila."
"Gago. Wag mong sabihing may binabalak kang gawin?"
"Hahahaha! Tangina, Terence, bahala ka. Pagsisisihan mo 'yan kung ano man
