DANAYA
Hindi ako mapakali. Itong niluluto kong chicken adobo, hindi ko alam kung tama na ba ang timpla dahil para akong nawalan ng panlasa. Kanina pa mapait ang dila ko dala ng sobrang takot. Mabuti na lang at napakiusapan ko si manang na bukas na siya mag-day off dahil walang magsu-supervise sa akin sa pagluluto. Kung hindi lang kasi nangyari iyon kanina, edi sana hindi ako namomroblema ng ganito.
"Okay na ma'am, tama na po ang timpla," sabi ni manang. Ngumiti ako sa kaniya at nagpasalamat. Sabi naman niya hayaan ko na lang muna ito for 3 minutes para sipsipin no'ng manok iyong sobrang sabaw dahil naparami ang lagay ko.
"Magbihis muna kayo, ma'am kahit ako na lang muna po ang magbantay nitong niluluto niyo," ani manang. "Sigurado po ba kayo? Alam ko pong pagod na rin kayo dahil maghapo
