Lumipas pa ang ilang buwan hanggang sa ma-operahan na si Dylan.
"Heto na, kailangan mong maubos 'to dahil hindi kita patutulugin kapag hindi mo nagawa ang task mo." Muli kong iniumang sa bibig niya ang kutsarang may lamang malambot lang na kanin at hinimay na isda.
Napangiti naman siya habang nakatitig. Tatlong linggo na ang nakalilipas simula noong sumailalim siya sa bone marrow transplantation at ayon sa mga Doctor ay 30 to 100 days ang kailangan pa niyang ipag-stay dito sa Hospital bago siya tuluyang makalabas.
Nalaman ko mula sa kanya na noong nasa college siya ay sumailalim na rin siya sa kidney transplant. Haaayst. Ano ba naman itong lalaking ito? Ang mga organs pala niya ay hindi na niya pala pagmamay-ari?
"Yes, Ma'am. My personal Nurse is always right," nakangiti niyang sagot
