Amanda’s POV
Kahit na parang labag pa rin sa kalooban ni Kaiden na puntahan namin si Jacklyn ay wala naman itong nagawa dahil sa pagpupumilit ko, hanggang ito kami ngayon at naglalakad na patungo sa malaking mansyon ng mga Stellan habang hawak-hawak ni Kaiden ang kamay ko.
Kilala na si Kaiden ng guard kaya naman naging madali saamin ang makapasok.
Hindi ko maiwasang manliit habang tinatanaw ang paligid ng malaking mansyon.
Si Jacklyn ay isang heredera kumpara naman sa’kin na walang maipagmamalaki sa isang katulad niya pero ang mahalaga, ako ang mahal ni Kaiden.
Napangiti ako nang sumulyap ako kay Kaiden at seryosong-seryoso ang mukha nito habang nakatingin ng diretso sa may malaking mansyon.
“Dapat pala hindi na kita isinama at ako nalang mag-isa ang pumunta rito kung ganiyan ri
