NAPANGIWI si Trina sa sakit na nagmumula sa kanyang tiyan habang nakaupo sa loob ng tumatakbong sasakyan.
“Malapit na tayo sa ospital, konting tiis na lang, kitten,” ani Clarence na saglit pang sumulyap sa kanya habang nagmamaneho.
“Ang sakit, Clarence! Masakit na talaga, hindi ko na kaya!” nakangiwi niyang wika sa kaibigan habang hawak-hawak ang kanyang malaking tiyan.
Napabuga naman sa hangin si Clarence na tila ba hindi na alam ang dapat sabihin. “M-Ma-malapit na tayo, k-konting tiis na lang. Konti na lang, kitten. Tiisin mo lang. Malapit na talaga.”
“Hindi ko na kayang pang tiisin! Sobrang sakit na! Bilisan mo kasing magmaneho!”
“Kitten, baka mabangga tayo pagsobrang bilis. Mabilis na nga 'tong pagmamaneho ko, eh. Konting tiis na lang, okay?”
Wala nang nagawa si Trina kundi ang
