MULA sa loob ng kotse ay tanaw na tanaw ni Trina ang puntod ni Clarence.
“Hindi ka na ba bababa?” tanong ni Clea sa kanya.
Mahina naman siyang umiling. “Hindi na. Kailangan ko pang mag impake habang wala pa si Daryll sa bahay.”
Napatango naman si Clea. Pinaandar na nito ang kotse paalis ng cemetery.
Sa huling pagkakataon ay muling lumingon si Trina sa puntod ng kaibigan.
I'm sorry for breaking my promise, Puppy. I'm really sorry.
Pasimple siyang napapunas sa tumakas na luha. Ngayon ay may haharapin na naman siyang panibagong problema, at hindi niya alam kung makakaligtas pa ba siya't makakabalik.
Makalipas ang ilang minuto ay huminto na ang kanilang sinasakyan sa harap ng red gate.
“Hintayin mo na lang ako dito,” aniya kay Clea at bumaba na ng sasakyan. Tumango lang sa kanya ang
