Hanggang sa nakabalik si Ayesha sa hotel at agad niyang binayaran ang taxi drayber ng dalawang libo at hindi na niya kinuha ang sukli nito. Dali-dali siyang pumasok sa kwarto niya at muling binuksan ang bagahi upang ilipat doon ang pera. Nang matapos ay tumawag na siya sa reception upang sabihin na mag-check-out na siya at sinabi rin niya na kailangan niya ng trolley para sa mga bagahe niya. Sinabi rin niya na kailangan rin niya ng taxi.
Sa araw din iyon ay nakauwi siya sa bahay niya sa Malaybalay. Malungkot siyang pumasok sa loob at pakiramdam niya ay daig pa sa namatayan ang bahay sa sobrang tahimik. Agad siyang dumiretso sa kuwarto niya at matamlay na humiga sa kama na tila malalim ang iniisip niya. At maya-maya pa ay bigla siyang napabalikwas nang bangon nang maisip niya na pwede pal
