NANGHINA at nanlambot ang buong katawan si Donya Monique, dahil sa sinapit nito. At dahil sa hindi pa humupa ang galit ni Don Marino ay kinuha nito ang maliit na malita at ipinasok ang mga damit niya.
"Marino, saan ka pupunta?" pagtataka na tanong ng asawa niya.
"Magpalamig! At baka mapatay pa kita!" pahayag nito.
"Marino, huwag! Huwag mo kaming iwan ng anak natin maawa ka. Huwag mo kaming ilagay sa malaking kahihiyan," turan nito, at yumakap pa ito sa hita ng asawa. Subalit hindi siya pinakinggan.
Nang makalabas siya ng pintuan ay nagtaka si Ayesha, dahil may bitbit ng malita ang ama niya.
"Dad, where are you going?"
Pero hindi siya sinagot ng ama, at tuloy-tuloy lang ito na parang walang naririnig. Patakbo naman siyang pumasok ng kuwarto at nakita niya ang ina na puno sa pasa an
