XELLONIA POV
“SILA rin ang parents ni Penelope...”
Napatahimik ako sa kanyang sinabi pero biglang tumigil ang mundo ko sa kanyang sinabi.
Hindi ko maipaliwanag dahil bigla na lamang sumikip ang puso ko. Parang may mabigat na batong dumaan sa puso ko ngayon.
Napahawak ako roon dahil naninikip pa rin hanggang ngayon.
“My wife, are you okay?” tanong niya sa akin pero nakita ko ang gulat sa kanyang mukha habang nakatingin sa akin. “Bakit ka umiiyak, my wife?”
Napatingin ako sa kanya at doon ay naramdaman kong may nangingilid na luha sa aking mga mata.
Hindi na rin nagtagalag sunod—sunod na itong pumatak sa magkabilang pisngi ko.
Hindi ko alam pero hindi ko mapigilan ang aking pag—iyak.
Mabilis akong niyakap ni daddy Santi habang hinihimas ang aking likod.
“My wife, ayos ka lang ba?”
