Kinausap ni daddy si Rion na ihatid na muna ako sa bahay. Sumama rin si Amara at Yosef sa amin, pero alam ko na babalik pa sila doon sa hospital.
Hanggang sa umalis kami ay hindi na ako kinausap ng mga magulang ko. Hindi ko maiwasan ang hindi mapatanong sa sarili kung gaano ba ako katagal nawala kanina kaya nagalit si mommy. Siguro ay pareho na silang pagod at may gustong ipabili pero wala silang mautusan dahil hindi ako kaagad bumalik doon.
Kung umalis na rin siguro ako noong umalis si mommy sa cafeteria, hindi siya magagalit sa akin. Kung hindi na sana ako nakaipag-usap kay Terrence, hindi sana ako makakarinig ng mga gano'ng klase ng salita mula sa kanya.
"Just understand your mom, couz. Halo-halo na 'yong nararamdaman niya ngayon. Maybe, she didn't really mean it. Nabigla lang siguro
