"Excited na rin sina Daddy't Mommy na magka baby tayo no," sabi n'ya kay Gab habang naglalakad papunta sa may swimming pool.
Pagkatapos kumain niyaya n'ya ang asawang maglakad-lakad muna sa labas. Nakakawit ang mga kamay n'ya sa matipunong braso ng asawa.
"Oo nga, kahit si Papa't Mama eh gusto na rin nilang magka baby na tayo," sagot ng asawa.
"Talaga?" Bulalas n'ya.
"Yep, lalo na't saming apat tayo na lang ang wala pang baby,"
"Ayaw mo pa bang subukan?" Lakas loob na tanong n'ya sa asawa.
Huminto ito sa paglalakad at hinarap s'ya. Kinuha ang dalawang kamay n'ya. Tumingin s'ya ng derecho sa mga mata ng asawa.
"If think handa ka na, handa na rin ako," seryosong sabi ng asawa sa kanya. Napangiti s'ya at biglang napayakap sa asawa.
"I am ready Gab, I am ready," naiiyak na sabi n'ya
