CASSANDRA
Isang linggo na ang nakakalipas simula noong pumasok ako rito sa mansyon ng mga Dela Vega. Sa kaunting panahon ay natandaan ko na ang gawain ko sa araw-araw ngunit hindi ako masanay-sanay sa pagpapahirap na ginagawa ni Senyorita Chloe. Sinusunod ko naman nang maayos ang kaniyang mga utos ngunit walang araw niya akong binibigyan ng parusa. Minsan, tinanong ko siya kung bakit ang init ng ulo niya sa akin dahil gusto kong malaman nang sa gayon ay maiwasan ko na... wala naman siyang nasabing resonableng rason maliban sa gusto niya lang na nahihirapan ako.
"Anong maganda, itong kulay pula o asul? Alin ang mas babagay sa akin? Ayusin mo," tanong niya sa akin. "Kahit ano naman po maganda po sa inyo," sagot ko.
Inirappan niya ako, halatang hindi nagustuhan ang narinig. "Araw-araw mo
