CHLOE
"Ano natawagan mo na ba iyang sinasabi mong tiya nina Cassandra? Anong sabi? Dumating na ba ang mga pulis?" tanong ko. Nagpa-panic na ako rito kahit na mabilis naman ang takbo ng sasakyan at anumang minuto ay makakarating na kami sa Payatas.
"Tinatawagan ko na po, heto po, ringing," kalmado nitong tugon. Mabuti pa si yaya at kalmado kahit na sinabi ko na sa kanila na kapag hindi namin nakuha ngayon si Cassandra ay wala silang matatanggap na sahod. Hindi naman ako pwedeng manghingi kay mama dahil wala namang pakialam iyon sa akin.
"Hello? Nora? Ano na raw nangyayari riyan tanong ng Senyorita."
Pinakinggan ko lang kung ano ang pag-uusapan nila. Matalino si Chabita dahil ni-loudspeak niya iyong tawag para marinig ko rin.
"Nandito na ang mga pulis pero hindi na nila makita sina Cas
