MAG-IISANG TAON NA ANG NAKALIPAS mula nang ikasal sina Christine at Gabriel. Hindi mapakali si Gabriel na nagpapalakad lakad sa labas ng delivery room habang inaantay si Christine na nasa loob at kasalukuyang nagli-labor. Dinig na dinig pa ni Gabriel na isinisigaw ni Christine ang pangalan niya sabay ng pag-iyak nito sa sakit na nararamdaman.
Konting tiis na lang, Mahal. Lord, please, help her get through it. Paano kaya kinaya ni Christine noon ang panganganak kay Tristan? Kawawa naman ang mahal ko, wala ako noon sa tabi niya. Pinapangako ko ngayon, hinding hindi na ako mawawala sa tabi mo, Mahal.
Mahigit tatlong oras nang nakatayo si Gabriel nang lumabas ang doktor at tinawag siya. Nakapanganak na si Christine, isang malusog na baby boy. Lalaki uli ang naging anak nila at tuwang tuwa
