Chapter Twenty-five
Dinaanan lang namin sa bahay si Betlog at ang mga gamit ko bago kami tumuloy sa biyahe namin. Kami lang ni Anshil. Naiwan ang mga bodyguard nito. Kahit ako'y wala ring kasamang bantay. Gano'n katiwala ang parents ko sa lalaking ito. Gabing-gabi na tuloy pa rin ang biyahe. Ito ang nagda-drive, passenger princess lang ako. Si Betlog naman ay nasa backseat. Nilayasan ako no'ng umutot ako.
Buti pa si Anshil... mas ibinaba lang ang window niya. Nakatulog ako sa biyahe. Nagising nasa isang kwarto na, katabi ang lalaking hindi ko naman lubos na kilala pero panatag na panatag ako. Kinalabit ko ito. Tulog na tulog pa rin. Sa paanan namin ay natutulog si Betlog. Akala mo'y pag-aari ang mundo kung matulog na nakatihaya.
Tuluyan na akong bumangon habang gumagala ang tingin. Bu
