Chapter Nineteen
Nakatulog ako ng dalawang oras. Paggising ko ay bumaba ako at sa sala ko inabutan si Anshil at Blake. Gabi na. Pero mukhang nagtratrabaho pa ang mga ito. Nang nakita ako ni Blake ay inirapan niya ako.
"Blake!" masayang ani ko. Baka ma-redeem ko ang sarili ko pagkatapos ng mga kalokohan na nagawa ko... still hindi ko maalala ang mga iyon.
"Huwag mo akong kausapin, Milanie. Baka matiris kita," masungit na ani ng lalaki saka kunwari'y nagpanggap itong busy.
"Okay. Lalabas na lang muna ako---"
"No!" duet ng dalawa. Takang pinagmasdan ko ang mga ito.
"Bakit no?"
"No, Milanie. Damay na naman ako sa paghahanap sa 'yo. Manatili ka rito. Gabi na," mas naunang sumagot si Blake na sumenyas pa sa kaibigan niya.
"Milanie, tapusin lang namin itong trabaho. Later mag-dinner tayo
