“Okay ka na ba talaga? Hindi pa hilom ang sugat mo, Axel!”
“Relax! I’m good, hon. Kaya pa nga kitang buhatin kung sugat ko lang naman ang inaalala mo. Hindi puwede si Melissa next week dahil mag-a-out of the country siya. Kaya pumayag na akong ngayon na lang. Isa pa, gusto kitang makitang nagsusukat ng wedding gown,” masuyong sabi nito habang hinahaplos ang pisngi niya.
“Basta hon, kapag kumirot 'yan, magsabi ka, ha?”
Marahan itong tumango. "I will. Promise." Sabay diin ng labi sa labi niya. Mabuti hindi nito pinalalim dahil male-late na sila sa usapan.
Paglabas nila ay naglalaro ang anak at si Grecco. Ito ngayon ang bantay sa anak at kay Nanay Norma.
"Baby," tawag ni Axel sa anak. Kaagad namang lumapit ito sa kanila."'Wag pasaway kay Tito Grecco, ha?"
"Opo, 'Tay. Tinuturuan po ak
