Nagising si Helena ng madaling araw dahil sa gutom. Hindi siya nakakain ng maayos ng hapunan kaya bumalik siya sa silid nila. Tuloy-tuloy ang tulog niya ng mahiga pagkagaling ng pantry area kanina.
Hindi pa rin mawala sa sistema niya ang nangyari sa pagitan nila ni Bricks. Bigla na naman siyang kinilabutan.
Alas-dos na pala ng madaling-araw nang tumingin sa orasan. May pagkain naman sila sa kuwarto. Halos biscuits at gatas nga lang. Maliban lang sa mainit na tubig. Pero ang kanin at ulam ay manggagaling mismo sa pantry nila, na isini-serve lang tuwing oras ng kainan.
Hinigit niya ang tasa niya at iginiya ang sarili palabas ng silid nila. Maliwanag naman ang hallway nila kaya hindi naman siya natatakot.
Malapit na siya sa pantry ng mapansin ang isang lalaking nakasandal sa pader. Hindi
