“Helena, pakikuha nga ng mga iihawin sa mesa. Paniguradong kakain kaagad ang mga bisita ni Ma’am kapag dumating,” ani ni Aling Nelia sa kan’ya.
“Sige po.” Kaagad na tumalima siya papasok.
Nakita niya sila Katkat at Lilith na naglilinis sala. Napakagat-labi siya ng maalala ang nangyari sa kanila ni Axel kaninang madaling-araw sa sala ng magarang rest house na iyon. Hindi niya maiwasang makaramdam ng init dahil doon. “Aww.” Napangiwi siya ng biglang kumirot ang maselang bahagi niya. Namali lang siya ng hakbang. Pakiramdam niya namaga na talaga ng tuluyan. Sinipat niya iyon kanina at talagang namumula iyon.
Pagbalik niya sa labas ay narinig niya ang sunod-sunod na tunog ng helicopter. Dahil wala namang helipad sa itaas, sa ‘di kalayuan ito lumapag. Una niyang nakita si Axel na bumaba. Inal
