"May dumi ba ako sa mukha, hon?" nagtatakang tanong ni Axel sa kan'ya. Titig na titig kasi siya sa binata habang naglalakad sila. Naka-abrisyete siya sa binata. Kasalukuyan silang palabas ng ospital noon kung saan nagtatrabaho si Nikki. Kakatapos lang niya magpa-check-up.
Masaya rin siya sa resulta ng check-up. Healthy ang batang nasa sinapupunan niya kaya nakahinga siya ng maluwag. Stressed siya sa ina ni Axel nitong nakaraan.
"Proud kang i-rampa ako sa mga ganitong lugar? Hindi ka ba nahihiya?"
"Bakit naman hindi? At bakit ko ikakahiya ang mahal ko? Gusto mo bang sumigaw ako dito kung gaano ko kamahal ang babaeng katabi ko ngayon?"
Bigla siyang kinabahan. Baka biglang sumigaw nga ito.
"'Wag! Bigla ko lang naitanong. Gusto ko lang makasiguro."
Umiling ito mayamaya. "Nagiging weird
