"M-mahal mo ako?" nauutal niyang tanong dito. Narinig naman na niya kanina habang inaangkin siya nito pero gusto niya lang makasiguro.
"Oo. Matagal na rin. Wala akong ibang ninais at kinasasabikang makita kundi ikaw lang, Helena," masuyong sabi nito sa kan’ya.
Nakagat niya ang ibabang labi niya dahil sa sinabi nito. Pakiramdam niya may mga naglalarong paru-paro sa tiyan niya pagkuway aakyat sa dibdib niya, na may kasamang mga nagtatambol.
Hinuli nito ang isang kamay niya at inilapat nito sa pisngi nito. Pumikit pa ito ng mata pagkuway dinala sa labi nito ang kamay niya. Ilang beses pa nitong hinalikan iyon kaya napangiti siya.
Pinakatitigan ni Helena ang mukha ni Axel nang mag-angat ito ng tingin. Mata sa mata ang labanan. Kakaiba ang kislap ng mga mata nito. Puno ng pagmamahal ang na
