Chapter 55
3rd Person's POV
Nakasandal sa lamesa si Lazaro, nakatayo sa gilid ng kinauupuan ni Ragen habang si Ragen naman ay nakaupo at kasalukuyang may mga binabasa.
Kasalukuyang pinaglalaruan ni Lazaro ang medyo mahaba ng buhok ni Ragen— iniikot iyon sa daliri niya.
"Nabo-bored ka ba?" tanong ni Ragen. Nilingon niya si Lazaro. Ibinaba ni Lazaro ang kamay.
"Walang magawa."
Natawa si Ragen at tiningnan muli ang hawak niyang mga papel.
"I-trained mo ang mga anak mo. Puntahan mo sila dahil siguradong si Pitou na naman ang ginugulo ng limang iyon para sanayin sila," ani ni Ragen. Sinabi ni Lazaro na gusto niya lang nakikita si Ragen.
"Hindi ako mawawala. Hindi ka pa ba nagsasawa sa mukha ko."
"Why would i? Ikaw pa din ang pinakamagandang nilalang na nakilala ko," ani ni Lazaro.
