Chapter 17
3rd Person's POV
"Sinusundan mo na naman ba ako?"
Napatigil si Ragen. May nakita siyang bata— pula ang mga mata at nasa uluhan niya.
Napabangon si Ragen at lumingon. Nandoon pa din iyong bata. Tiningnan niya iyong isa pang bata na nakahiga sa pwesto niya. Napatigil siya matapos makita ang batang siya.
"Paano kita susundan ako nauna dito."
Bumangon ang batang nasa sampung taong gulang. Kinusot ni Ragen ang mata at tiningnan ang dalawang bata. Si Ragen iyon at si Lazaro. Bigla siyang naguluhan. Nasa ibang panahon ba ulit siya pero imposible iyon. Hindi pa tapos ang mission niya at alam niya sa sarili niya na buhay pa siya.
Nakanguso ang batang si Ragen at umiwas ng tingin. Nasa likuran niya ang batang si Lazaro.
"Hinahanap ka ni Lucio kanina pa," ani ni Lazaro. Gumusot
