"ANONG ibig mong sabihin? Naglayas ang anak ko, ganoon ba?" ani ng Mama ni Althea. Nakatingin sa kanya ang lahat nang mga sandaling iyon. At alam niya, pare-parehong magagalit ang mga ito sakaling sabihin na niya ang totoong dahilan ng pagkawala ni Althea.
"Come straight to the point, hijo. Nasaan ang anak ko?" segundang tanong ng Papa ng dalaga.
Huminga siya ng malalim bago sumagot. Oo, aaminin niyang natatakot siya sa magiging reaksyon ng mga ito, pero wala siyang balak na magsinungaling at ikaila sa mga ito ang totoo. Siya ang nagkamali kaya dapat lang na buong tapang niyang harapin ang kasalanan.
"I-I…she caught me cheating on her, Tito," nakayuko niyang sabi. Habang nakatungo ay sinabi niya sa mga ito ang totoong nangyari kung bakit umalis na lang ng walang paalam si Althea. At
