Carolline's POV
"Papakasalan na kita," diretsong sagot ko.
"What?!" sigaw niya na para bang hindi makapaniwala.
"Papakasalan na nga kita," iritadong sagot ko.
"Bakit mo ako papakasalan?"
"Bakit ba tanong ka ng tanong? Bakit ba nagpapakasal ang dalawang taong nag-iibigan?" sagot ko sa kaniya.
"Pero bakit ikaw ang nagpropose?" natatawang sagot niya.
"Ang bagal mo e! Limang taon kitang hinintay pero wala pa rin!" naiinis kong sagot.
"Gagawin ko naman 'yon sa tamang panahon," sagot niya.
"Ayaw mo ba?"
"Hindi naman sa ganoon Carolline."
"Ganoon na rin 'yon! Ayaw mo lang sabihin ng diretso kasi ayaw mo akong masaktan. Hubarin mo na ang singsing!" inis kong sabi sa kaniya. Inilayo niya naman ang kamay niya kung saan nakasuot ang singsing niya.
"Wala ng bawian," natatawang sagot niya.
