Carolline's POV
KASALUKUYANG nagliligpit ako ng mga gamit na dadalhin ko nang marinig kong tinawag ni Allen ang pangalan ko.
"Carolline, dalian mo!" malakas na sigaw ni Allen.
Ngayon na kasi ang alis namin papuntang Batangas. Noong sinabi kasi ni Allen noon na magpahinga muna ako sa trabaho ko kay Francis at magliwaliw daw muna kami ay na-excite ako. Kaya naman pinag-igihan ko na gumaling agad para naman makapag-relax din ako. Isang linggo rin ang tinagal ko sa hospital bago ako nakalabas at agad-agad din ay napagdesisyunan naming umalis na.
Napalingon ako sa may pintuan nang marinig ko ang pagbukas nito. Sumalubong sa akin ang nakabusangot na mukha ni Allen. Naka-cross arms siya habang nakasandal sa may pinto.
“Nilamon ka na ba ng maleta mo?” pagbibiro nito. Sinimangutan ko siya at
