Ang paghaharap? Nagkaroon din kami nang pagkakataon na makapag-schedule ng appointment kay Mr. Dexter Arkanghel. Hindi ko alam kung paanong ginawa ni Atalata. Pero sa kanya ako nagpatulong. Matuling lumipas ang mga araw, nami-miss ko na naman ang asawa ko. Mas matagal naming hindi nakita ang isa't isa, pero nakaya naman naming hindi magkita. Sobrang pagpipigil ang ginawa ko, ayaw ko rin naman kasing malagay sa alanganin ang asawa ko katulad no'ng una.
"I'm Leander Monte Ciento, sir." Magalang na naglahad ako ng kamay sa matandang kararating. Hindi ko sinabi kay Aurelia na magkikita kami ng ama n'ya, at narito ako sa Pilipinas.
Hindi nito tinanggap ang nakalahad kong kamay, tinignan lang nito iyon na may disgusto. Medyo napahiya, kaya dahan-dahan kong binawi ang kamay kong inilahad dito
