Nauna akong hinatid ni Elliot sa resto ni Zoe pagkatapos naming kumain sa Jag’s. As expected, nawala ang antok ko nang mabusog ako. Si Zoe kasi ay nagpahatid muna kay kuya Aries sa bahay nila para makuha raw ang sasakyan niya.
“Are you sure you don’t want to go home?” paninigurado pa ni Elliot nang ihinto na niya sa harap ng resto ni Zoe ang sasakyan.
“Okay na ako. Feeling ko nagising ang diwa ko sa dami ng nakain ko kanina,” nakangiting sagot ko naman.
“Alright, then,” aniya. “Saan ka pala uuwi mamaya?” tanong pa niya.
“Sa bahay na muna, ’dy. I want to spend more time with my family. Pagkatapos kasi ng kasal bubukod na tayo, tayong dalawa na lagi ang magkasama,” sagot ko kaya napangiti siya.
“Sa inyo rin ako matutulog mamaya kung gano’n,” aniya. “Susunduin kita ng alas cinco,” dagdag
