I think it was around 12:00 midnight and they still have full energy to drink more. Parang hindi nga sila napapagod o nalalasing man lang. Patuloy ang masayang inuman ay kuwentuhan nila.
Ako naman ay nakadalawang baso na ng fresh milk, kaya feeling ko ay medyo inaantok na ako. Kung tutuusin ay kaya ko namang pigilan, lalo na’t nagigising ako sa mga biro nila na nakakatawa, pero late na rin kasi at hindi naman maganda sa akin ang nagpupuyat.
“Mauuna na ako sa kuwarto, magpapahinga na ako,” pabulong na saad ko kay Elliot, napalingon naman siya sa akin dahil doon.
“Magpahinga na tayo,” aniya kaya mabilis akong umiling.
“Dito ka na muna, please? Mag-enjoy ka na muna rito kasama sila, madalang lang namang mangyari ito,” dahilan ko.
“Matutulog ka na, bakla?” tanong ni Zoe na narinig pala an
