NASA kalagitnaan na sila ng biyahe nang maisipan ni Inspector Jester na magpagabi na lang sila sa pagpasok sa naturang farm upang hindi sila mahahalata. At dahil alas-singko pa lang ay pag-ikot-ikot muna sila sa naturang lugar.
Samantalang pumunta si Mrs. Jamalon sa bodega kung saan nakakulong ang tatlo at sa mga oras na iyon ay sinikap ni Clyde na matanggal ang tali sa kamay niya. Para makatakas sila dahil nag-alala siya na baka papatayin sila. Medyo nasugatan na ang kamay ni Clyde ngunit hindi pa rin siya tumitigil sa pagkalag ng tali sa kamay niya. Hanggang sa natanggal niya ito at sakto na bumukas ang pinto, hindi kumilos si Clyde at nagkunwaring tulog.
"Madam nandito sila," anang lalaking dumukot sa kanila.
"Good! Siguraduhin n'yong hindi makatakas ang mga iyan! Hangga't hindi k
